प्रथम दोहाDoha 1
श्रीगुरु चरन सरोज रज, निज मनु मुकुरु सुधारि।
बरनउँ रघुबर बिमल जसु, जो दायकु फल चारि॥
Shri Guru Charan Saroj Raj, Nij Manu Mukuru Sudhari,
Barnau Raghubar Bimal Jasu, Jo Dayaku Phala Chari.
दोहाDoha
द्वितीय दोहाDoha 2
बुद्धिहीन तनु जानिके, सुमिरौं पवन-कुमार।
बल बुद्धि विद्या देहु मोहिं, हरहु कलेस विकार॥
Buddhiheen Tanu Janike, Sumirau Pavan Kumar,
Bal Buddhi Vidya Dehu Mohi, Harahu Kales Vikar.
चौपाईChaupai
चौपाई १Verse 1
जय हनुमान ज्ञान गुन सागर।
जय कपीस तिहुँ लोक उजागर॥
Jai Hanuman Gyan Gun Sagar,
Jai Kapis Tihun Lok Ujagar.
चौपाई २Verse 2
राम दूत अतुलित बल धामा।
अंजनि पुत्र पवनसुत नामा॥
Ram Doot Atulit Bal Dhama,
Anjani Putra Pavansut Nama.
चौपाई ३Verse 3
महावीर विक्रम बजरंगी।
कुमति निवार सुमति के संगी॥
Mahavir Vikram Bajrangi,
Kumati Nivar Sumati Ke Sangi.
चौपाई ४Verse 4
कंचन बरन बिराज सुबेसा।
कानन कुंडल कुँचित केसा॥
Kanchan Baran Biraj Subesa,
Kanan Kundal Kunchit Kesa.
चौपाई ५Verse 5
हाथ बज्र औ ध्वजा बिराजे।
काँधे मूँज जनेऊ साजे॥
Hath Bajra Aur Dhwaja Biraje,
Kandhe Moonj Janeu Saje.
चौपाई ६Verse 6
शंकर सुवन केसरी नंदन।
तेज प्रताप महा जग वंदन॥
Shankar Suvan Kesari Nandan,
Tej Pratap Maha Jag Vandan.
चौपाई ७Verse 7
विद्यावान गुणी अति चातुर।
राम काज करिबे को आतुर॥
Vidyavan Guni Ati Chatur,
Ram Kaj Karibe Ko Atur.
चौपाई ८Verse 8
प्रभु चरित्र सुनिबे को रसिया।
राम लखन सीता मन बसिया॥
Prabhu Charitra Sunibe Ko Rasiya,
Ram Lakhan Sita Man Basiya.
चौपाई ९Verse 9
सूक्ष्म रूप धरि सियहिं दिखावा।
विकट रूप धरि लंक जरावा॥
Sukshma Roop Dhari Siyahi Dikhawa,
Vikat Roop Dhari Lanka Jarava.
चौपाई १०Verse 10
भीम रूप धरि असुर संहारे।
रामचंद्र के काज सँवारे॥
Bheem Roop Dhari Asur Sanhare,
Ramchandra Ke Kaj Sanvare.
चौपाई ११Verse 11
लाय सजीवन लखन जियाये।
श्रीरघुबीर हरषि उर लाये॥
Laay Sajeevan Lakhan Jiyaye,
Shri Raghubir Harashi Ur Laye.
चौपाई १२Verse 12
रघुपति कीन्ही बहुत बड़ाई।
तुम मम प्रिय भरतहि सम भाई॥
Raghupati Keenh Bahut Badai,
Tum Mam Priya Bharat Sam Bhai.
चौपाई १३Verse 13
सहस बदन तुम्हरो जस गावैं।
अस कहि श्रीपति कंठ लगावैं॥
Sahas Badan Tumharo Jas Gaavain,
As Kahi Shripati Kanth Lagaavain.
चौपाई १४Verse 14
सनकादिक ब्रह्मादि मुनीसा।
नारद सारद सहित अहीसा॥
Sanakadik Brahmadi Munisa,
Narad Sarad Sahit Ahisa.
चौपाई १५Verse 15
जम कुबेर दिगपाल जहाँ ते।
कवि कोविद कहि सके कहाँ ते॥
Yam Kuber Digpal Jahan Te,
Kavi Kovid Kahi Sake Kahan Te.
चौपाई १६Verse 16
तुम उपकार सुग्रीवहिं कीन्हा।
राम मिलाय राजपद दीन्हा॥
Tum Upkar Sugrivahi Keenha,
Ram Milay Rajpad Deenha.
चौपाई १७Verse 17
तुम्हरो मंत्र विभीषन माना।
लंकेश्वर भये सब जग जाना॥
Tumharo Mantra Vibhishan Mana,
Lankeshwar Bhaye Sab Jag Jana.
चौपाई १८Verse 18
जुग सहस्र जोजन पर भानू।
लील्यो ताहि मधुर फल जानू॥
Jug Sahastra Jojan Par Bhanu,
Lilyo Tahi Madhur Phal Janu.
चौपाई १९Verse 19
प्रभु मुद्रिका मेलि मुख माहीं।
जलधि लाँघि गये अचरज नाहीं॥
Prabhu Mudrika Meli Mukh Mahin,
Jaladhi Langhi Gaye Acharaj Nahin.
चौपाई २०Verse 20
दुर्गम काज जगत के जेते।
सुगम अनुग्रह तुम्हरे तेते॥
Durgam Kaj Jagat Ke Jete,
Sugam Anugraha Tumhare Tete.
चौपाई २१Verse 21
राम दुआरे तुम रखवारे।
होत न आज्ञा बिनु पैसारे॥
Ram Duware Tum Rakhware,
Hot Na Agya Binu Paisare.
चौपाई २२Verse 22
सब सुख लहै तुम्हारी सरना।
तुम रक्षक काहू को डरना॥
Sab Sukh Lahai Tumhari Sarna,
Tum Rakshak Kahu Ko Darna.
चौपाई २३Verse 23
आपन तेज सम्हारो आपे।
तीनों लोक हाँक ते काँपे॥
Aapan Tej Samharo Aape,
Teenon Lok Hank Te Kanpe.
चौपाई २४Verse 24
भूत पिशाच निकट नहिं आवे।
महाबीर जब नाम सुनावे॥
Bhoot Pisach Nikat Nahin Aave,
Mahavir Jab Naam Sunaave.
चौपाई २५Verse 25
नासै रोग हरे सब पीरा।
जपत निरंतर हनुमत बीरा॥
Nasai Rog Hare Sab Pira,
Japat Nirantar Hanumat Bira.
चौपाई २६Verse 26
संकट से हनुमान छुड़ावे।
मन क्रम बचन ध्यान जो लावे॥
Sankat Se Hanuman Chhurave,
Man Kram Bachan Dhyan Jo Lave.
चौपाई २७Verse 27
सब पर राम तपस्वी राजा।
तिन के काज सकल तुम साजा॥
Sab Par Ram Tapasvi Raja,
Tin Ke Kaj Sakal Tum Saja.
चौपाई २८Verse 28
और मनोरथ जो कोई लावे।
सोई अमित जीवन फल पावे॥
Aur Manorath Jo Koi Lave,
Soi Amit Jeevan Phal Pave.
चौपाई २९Verse 29
चारों जुग परताप तुम्हारा।
है परसिद्ध जगत उजियारा॥
Charon Jug Partap Tumhara,
Hai Parsiddh Jagat Ujiyara.
चौपाई ३०Verse 30
साधु संत के तुम रखवारे।
असुर निकंदन राम दुलारे॥
Sadhu Sant Ke Tum Rakhware,
Asur Nikandan Ram Dulare.
चौपाई ३१Verse 31
अष्टसिद्धि नौ निधि के दाता।
अस बर दीन जानकी माता॥
Ashta Siddhi Nav Nidhi Ke Data,
As Bar Din Janaki Mata.
चौपाई ३२Verse 32
राम रसायन तुम्हरे पासा।
सदा रहो रघुपति के दासा॥
Ram Rasayan Tumhare Pasa,
Sada Raho Raghupati Ke Dasa.
चौपाई ३३Verse 33
तुम्हरे भजन राम को पावे।
जनम जनम के दुख बिसरावे॥
Tumhare Bhajan Ram Ko Pave,
Janam Janam Ke Dukh Bisrave.
चौपाई ३४Verse 34
अंत काल रघुबर पुर जाई।
जहाँ जन्म हरि भक्त कहाई॥
Ant Kaal Raghubar Pur Jai,
Jahan Janma Hari Bhakt Kahai.
चौपाई ३५Verse 35
और देवता चित्त न धरई।
हनुमत सेइ सर्व सुख करई॥
Aur Devata Chitt Na Dharai,
Hanumat Sei Sarv Sukh Karai.
चौपाई ३६Verse 36
संकट कटे मिटे सब पीरा।
जो सुमिरे हनुमत बलबीरा॥
Sankat Kate Mite Sab Pira,
Jo Sumirai Hanumat Balbira.
चौपाई ३७Verse 37
जय जय जय हनुमान गोसाईं।
कृपा करो गुरुदेव की नाईं॥
Jai Jai Jai Hanuman Gosain,
Kripa Karahu Gurudev Ki Nain.
चौपाई ३८Verse 38
जो सत बार पाठ कर कोई।
छूटहि बंदि महा सुख होई॥
Jo Sat Bar Path Kar Koi,
Chhutehi Bandi Maha Sukh Hoi.
चौपाई ३९Verse 39
जो यह पढ़े हनुमान चालीसा।
होय सिद्धि साखी गौरीसा॥
Jo Yah Padhai Hanuman Chalisa,
Hoye Siddhi Sakhi Gaurisa.
चौपाई ४०Verse 40
तुलसीदास सदा हरि चेरा।
कीजे नाथ हृदय महँ डेरा॥
Tulsidas Sada Hari Chera,
Keejai Nath Hriday Mah Dera.
समापन दोहाClosing Doha
दोहाDoha
पवन तनय संकट हरन, मंगल मूरति रूप।
राम लखन सीता सहित, हृदय बसहु सुर भूप॥
Pavan Tanay Sankat Haran, Mangal Murati Roop,
Ram Lakhan Sita Sahit, Hriday Basahu Sur Bhoop.
सियावर रामचंद्र की जय।
पवनसुत हनुमान की जय।
बोलो भाई सब संतन की जय॥
Siyavar Ramchandra Ki Jai.
Pavansut Hanuman Ki Jai.
Bolo Bhai Sab Santan Ki Jai.